Býarsavnið søkir eftir starvslesandi til heysthálvuna 2019

Sum starvslesandi verður tú partur av dagliga arbeiðinum á savninum og fært við hesum innlit í tey mál, ið savnið arbeiðir við. Arbeiðsuppgávurnar kunnu vera sera ymiskar, alt eftir hvat tørvurin er í tíðarskeiðinum. Tað verður tó miðað eftir, at tann starvslesandi kann arbeiða við serstøkum verkætlanum innan sítt fakøki eitt nú framsýningar og tiltøk, gera greiningar/kanningar, skráseting og røkt av lutum, kunningartilfar til heimasíðuna, marknaðarføring, miðlan o.s.fr. 

Tann starvslesandi eigur at vera undir hægri útbúgving, og tað er ein fyrimunur at hava lokið prógv á bachelor-stigi.

Starvsvenjingin er ólønt og er skipað eftir somu reglum, ið eru galdandi fyri starvslesandi hjá tí almenna. Starvsvenjingin er millum 3 – 6 mánaðir, alt eftir tíðarætlanini hjá lestrarstovninum.

Set teg í samband við Margrethu Nónklett, savnsleiðara, fyri at hoyra nærri á telefon 286648, ella við telduposti byarsavn@byarsavn.fo.