Havnin undir krígnum

3. juli – 7. desember 2020

Í mai 2020 vórðu tað 75 ár síðani at 2. heimsbardagi endaði og harvið eisini bretska hersetingin í Føroyum. Býarsavnið hevur í tí sambandi gjørt eina serframsýning, sum lýsir lívið í Havn undir krígnum.

Kríggið hevur verið eitt kollveltandi tíðarskeið, og hevur á fleiri økjum myndað land okkara.

Á framsýningini ber til at síggja lutir, sum knýta seg at hersetingini og gerandislívinum undir krígnum. Eisini ber til at lesa tekstir um kríggið, síggja myndir og ein stuttan film um bretsku hersetingina, nevnd “Operation Valentine”.

Í november er savnið opið í vikuskiftinum kl. 14 – 17 og annars sambært avtalu. Eisini ber til at bíleggja eina rundsýning við frásøgufólki.    

Myndir: Tjóðsavnið.