Framsýningin um Havnina undir krígnum komin at enda.

Nú er framsýningin um Havnina undir krígnum komin at enda.

Stóra tøkk til tykkum øll, sum hava latið/lænt lutir og myndir og á annan hátt hava hjálpt til við framsýningini.

Og takk til tykkum, ið hava vitja framsýningina. Fleiri enn 3000 fólk hava vitja, harav 30 skúlaflokkar, ið hava fingið eina serliga rundsýning ætlað børnum og ungum. Eisini hava vit skipað fyri søguligum gongutúrum, rundsýningum fyri vaksnum, sangløtu og familju-rundsýningum á Savnsfagnaðinum og jólaverkstovu.

Tað er altíð sorgblítt at taka eina framsýning niður, samstundis sum tað gevur pláss fyri nøkrum nýggjum. Næst á skránni er fasta framsýningin hjá Býarsavninum um Havnar søgu(r). Men áðrenn hetta fara vit í jólafrí!

Skrivstovan er stongd frá mánadegnum 21. desember til og við týsdagin 5. januar 2021.

Gleðilig jól